ਤੇਲੰਗਾਨਾ 'ਚ ਹੁਣ ਦੋ ਤੋਂ ਵੱਧ ਬੱਚਿਆਂ ਵਾਲੇ ਵੀ ਲੜ ਸਕਣਗੇ ਚੋਣਾਂ ਦਾ ਬਿੱਲ ਪਾਸ

by
January 4, 2026

ਤੇਲੰਗਾਨਾ 'ਚ ਹੁਣ ਦੋ ਤੋਂ ਵੱਧ ਬੱਚਿਆਂ ਵਾਲੇ ਵੀ ਲੜ ਸਕਣਗੇ ਚੋਣਾਂ ਦਾ ਬਿੱਲ ਪਾਸ ਹੈਦਰਾਬਾਦ, 4 ਜਨਵਰੀ 2026 : ਤੇਲੰਗਾਨਾ ਵਿਧਾਨ ਸਭਾ ਨੇ ਲੋਕਲ ਬਾਡੀਜ਼ ਚੋਣਾਂ ਲਈ '2 ਬੱਚਿਆਂ ਦੇ ਨਿਯਮ' ਨੂੰ ਖ਼ਤਮ ਕਰਨ ਵਾਲਾ ਬਿੱਲ ਸ਼ਨੀਵਾਰ ਨੂੰ ਪਾਸ ਕਰ ਦਿੱਤਾ । ਇਸ ਨਿਯਮ ਤਹਿਤ 2 ਤੋਂ ਵੱਧ ਬੱਚਿਆਂ ਵਾਲਾ ਵਿਅਕਤੀ ਲੋਕਲ ਬਾਡੀਜ਼ ਚੋਣਾਂ ਲੜਨ ਲਈ ਅਯੋਗ ਹੋ ਜਾਂਦਾ ਸੀ । ਮੰਤਰੀ ਨੇ ਬਿੱਲ ਪਾਸ ਕਰਦਿਆਂ ਕੀ ਆਖਿਆ ਪੰਚਾਇਤ ਰਾਜ ਮੰਤਰੀ ਦਾਨਸਾਰੀ ਅਨੁਸੂਇਆ ਸੀਤਾਕਾ ਨੇ ‘ਤੇਲੰਗਾਨਾ ਪੰਚਾਇਤ ਰਾਜ (ਸੋਧ) ਬਿੱਲ, 2026 ਪੇਸ਼ ਕਰਦੇ ਹੋਏ ਕਿਹਾ ਕਿ 2 ਬੱਚਿਆਂ ਦਾ ਨਿਯਮ 1994 'ਚ ਆਬਾਦੀ ਕੰਟਰੋਲ ਉਪਾਵਾਂ ਵਜੋਂ ਲਾਗੂ ਕੀਤਾ ਗਿਆ ਸੀ, ਤਾਂ ਜੋ ਆਬਾਦੀ ਧਮਾਕੇ ਨਾਲ ਜੁੜੀਆਂ ਖੁਰਾਕ ਸੁਰੱਖਿਆ, ਬੇਰੋਜ਼ਗਾਰੀ ਅਤੇ ਗਰੀਬੀ ਦੀਆਂ ਚੁਣੌਤੀਆਂ ਦਾ ਹੱਲ ਕੀਤਾ ਜਾ ਸਕੇ । ਸਰਕਾਰ ਨੇ 2 ਬੱਚਿਆਂ ਸਬੰਧੀ ਨਿਯਮ ਦੀ 30 ਸਾਲਾਂ ਬਾਅਦ ਆਬਾਦੀ ਨੀਤੀ ਦੀ ਸਮੀਖਿਆ ਕੀਤੀ ਹੈ। ਤੇਲੰਗਾਨਾ ਦੇ ਪੇਂਡੂ ਖੇਤਰਾਂ 'ਚ ਜਣੇਪਾ ਦਰ 1.7 ਹੈ : ਮੰਤਰੀ ਮੰਤਰੀ ਨੇ ਕਿਹਾ ਕਿ ਤੇਲੰਗਾਨਾ ਦੇ ਪੇਂਡੂ ਖੇਤਰਾਂ 'ਚ ਜਣੇਪਾ ਦਰ 1.7 ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਜਣੇਪਾ ਦਰ 1.7 'ਤੇ ਬਣੀ ਰਹੀ, ਤਾਂ ਇਸ ਨਾਲ ਤੇਲੰਗਾਨਾ ਦੇ ਹਿੱਤਾਂ 'ਤੇ ਮਾੜਾ ਅਸਰ ਪਵੇਗਾ । ਦਾਨਸਾਰੀ ਨੇ ਕਿਹਾ ਕਿ ਸਰਕਾਰ ਨੇ ਆਉਣ ਵਾਲੀਆਂ ਪੀੜੀਆਂ ਦੇ ਭਵਿੱਖ ਅਤੇ ਪੰਚਾਇਤ ਰਾਜ ਸੰਸਥਾਵਾਂ ਦੇ ਨੁਮਾਇੰਦਿਆਂ ਦੇ ਵਿਚਾਰਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਜਣੇਪਾ ਦਰ ਨੂੰ 2.1 'ਤੇ ਰੱਖਣਾ ਜ਼ਰੂਰੀ ਸਮਝਿਆ ਹੈ ।