ਪੁਲਸ ਨੇ ਕੀਤਾ ਵਿਦੇਸ਼ ਭੇਜਣ ਦੇ ਨਾਂ `ਤੇ ਧੋਖਾਦੇਹੀ ਦਾ ਨੈੱਟਵਰਕ ਚਲਾ ਰਹੇ ਭਰਾ-ਭੈਣ ਟਰੈਵਲ ਏਜੰਟ ਨੂੰ ਗ੍ਰਿਫਤਾਰ

by Jasbeer Singh
September 7, 2024

ਪੁਲਸ ਨੇ ਕੀਤਾ ਵਿਦੇਸ਼ ਭੇਜਣ ਦੇ ਨਾਂ `ਤੇ ਧੋਖਾਦੇਹੀ ਦਾ ਨੈੱਟਵਰਕ ਚਲਾ ਰਹੇ ਭਰਾ-ਭੈਣ ਟਰੈਵਲ ਏਜੰਟ ਨੂੰ ਗ੍ਰਿਫਤਾਰ ਲੁਧਿਆਣਾ : ਪੰਜਾਬ ਪੁਲਿਸ ਨੇ ਵਿਦੇਸ਼ ਭੇਜਣ ਦੇ ਨਾਂ `ਤੇ ਧੋਖਾਦੇਹੀ ਦਾ ਨੈੱਟਵਰਕ ਚਲਾ ਰਹੇ ਇਕ ਭਰਾ-ਭੈਣ ਟਰੈਵਲ ਏਜੰਟ ਨੂੰ ਗ੍ਰਿਫਤਾਰ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਅਮਿਤ ਮਲਹੋਤਰਾ ਅਤੇ ਉਸ ਦੀ ਭੈਣ ਵੀਨੂ ਮਲਹੋਤਰਾ ਵਜੋਂ ਹੋਈ ਹੈ। ਪੁਲਿਸ ਨੇ ਉਸ ਦੇ ਘਰ ਦੀ ਤਲਾਸ਼ੀ ਦੌਰਾਨ ਬੈੱਡ ਤੋਂ 1.07 ਕਰੋੜ ਰੁਪਏ ਦੀ ਨਕਦੀ ਬਰਾਮਦ ਕੀਤੀ। ਪੁਲੀਸ ਨੇ ਦੋਵਾਂ ਮੁਲਜ਼ਮਾਂ ਨੂੰ ਅਦਾਲਤ ਵਿੱਚ ਪੇਸ਼ ਕਰ ਕੇ ਤਿੰਨ ਦਿਨਾਂ ਦੇ ਰਿਮਾਂਡ ’ਤੇ ਲਿਆ ਹੈ। ਏਡੀਸੀਪੀ ਸ਼ੁਭਮ ਅਗਰਵਾਲ ਨੇ ਦੱਸਿਆ ਕਿ ਭਰਾ-ਭੈਣ ਵਿਚਕਾਰ ਠੱਗੀ ਮਾਰਨ ਦਾ ਤਰੀਕਾ ਵੱਖਰਾ ਸੀ। ਇਨ੍ਹਾਂ ਦੋਵਾਂ ਨੇ ਲੋਕਾਂ ਨੂੰ ਵਿਦੇਸ਼ ਭੇਜਣ ਲਈ ਗਲੋਬਲ ਵੇਅ ਇਮੀਗ੍ਰੇਸ਼ਨ ਦੇ ਨਾਂ `ਤੇ ਲੁਧਿਆਣਾ `ਚ ਦਫ਼ਤਰ ਵੀ ਖੋਲ੍ਹਿਆ ਹੋਇਆ ਹੈ। ਇਹ ਦੋਵੇਂ ਲੋਕਾਂ ਨੂੰ ਕਹਿੰਦੇ ਸਨ ਕਿ ਵੀਜ਼ਾ ਲੱਗਣ ਤੋਂ ਬਾਅਦ ਉਹ ਪੈਸੇ ਲੈ ਲੈਣਗੇ। ਪਹਿਲਾਂ ਕਾਗਜ਼ ਪੂਰੇ ਕਰਵਾਉਣ ਦੇ ਨਾਂ ’ਤੇ ਦੋ ਲੱਖ ਰੁਪਏ ਲੈਂਦੇ ਸਨ। ਇਸ ਤੋਂ ਬਾਅਦ ਕਾਗਜ਼ਾਂ `ਚ ਕਮੀ ਅਤੇ ਫਾਈਲ ਰੱਦ ਹੋਣ ਦੀ ਗੱਲ ਆਖ ਦਿੰਦੇ ਸਨ।