ਧਾਰਮਿਕ ਯਾਤਰਾ ਦੌਰਾਨ ਕੂੜਾ ਨਾ ਫੈਂਕੋ, ਪ੍ਰਕ੍ਰਿਤੀ ਦੀ ਰੱਖਿਆ ਕਰੋ: ਆਰ.ਪੀ. ਨੇਗੀ

by
July 10, 2025

ਹਿਮਾਚਲ ਪ੍ਰਦੇਸ਼:(10 ਜੁਲਾਈ 2025) ਹਿਮਾਚਲ ਪ੍ਰਦੇਸ਼ ਦੀ ਸ਼੍ਰੀਖੰਡ ਯਾਤਰਾ ਮਾਰਗ 'ਤੇ 19 ਜੁਲਾਈ ਤੋਂ 23 ਜੁਲਾਈ 2025 ਤੱਕ ਇੱਕ ਵਿਸ਼ੇਸ਼ ਸਫਾਈ ਅਭਿਆਨ ਚਲਾਇਆ ਜਾਵੇਗਾ। ਇਹ ਅਭਿਆਨ ਹਿਮਾਲਯਨ ਟ੍ਰਾਇਬ ਫਾਉਂਡੇਸ਼ਨ ਵੱਲੋਂ ਕੀਤਾ ਜਾ ਰਿਹਾ ਹੈ, ਜਿਸ ਦਾ ਉਦੇਸ਼ ਪਹਾੜੀ ਇਲਾਕਿਆਂ ਨੂੰ ਪਲਾਸਟਿਕ ਦੇ ਕੂੜੇ ਤੋਂ ਮੁਕਤ ਕਰਨਾ ਹੈ। ਫਾਉਂਡੇਸ਼ਨ ਦੇ ਸੰਸਥਾਪਕ ਆਰ.ਪੀ. ਨੇਗੀ ਯੁੱਲਾਮ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਹਰ ਸਾਲ ਵਧ ਰਹੀ ਪਲਾਸਟਿਕ ਦੀ ਸਮੱਸਿਆ ਪਵਿੱਤਰ ਧਾਰਮਿਕ ਸਥਲਾਂ ਨੂੰ ਪ੍ਰਭਾਵਿਤ ਕਰ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸਾਲ 500 ਬੋਰੀ ਪਲਾਸਟਿਕ ਕੂੜਾ ਇਕੱਠਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ, ਖਾਸ ਕਰਕੇ ਪਾਰਵਤੀ ਕੁੰਡ ਅਤੇ ਯਾਤਰਾ ਮਾਰਗ ਦੇ ਆਲੇ-ਦੁਆਲੇ। ਆਰ.ਪੀ. ਨੇਗੀ ਨੇ ਕਿਹਾ ਕਿ ਹਿਮਾਲਿਆ ਦੀ ਗੋਦ 'ਚ ਸਥਿਤ ਇਹ ਪਵਿੱਤਰ ਸਥਾਨ ਸਾਡੀ ਸਾਂਸਕ੍ਰਿਤਕ ਤੇ ਪਰਯਾਵਰਣ ਵਿਰਾਸਤ ਹਨ ਅਤੇ ਇਨ੍ਹਾਂ ਦੀ ਸਫ਼ਾਈ ਸਿਰਫ਼ ਜ਼ਮੀਨੀ ਤੌਰ 'ਤੇ ਨਹੀਂ, ਸਗੋਂ ਜਾਗਰੂਕਤਾ ਦਾ ਸੰਦੇਸ਼ ਵੀ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਹਾਲ ਹੀ ਵਿੱਚ ਕਿਨੌਰ ਦੇ ਯੁਲਾ ਕੰਡਾ, ਭਾਵਾ ਅਤੇ ਰਾਮਪੁਰ ਸਮੇਤ ਕਈ ਖੇਤਰਾਂ ਵਿੱਚ ਵੀ ਸਫਾਈ ਮੁਹਿੰਮ ਚਲਾਈ ਗਈ ਸੀ। ਆਰ.ਪੀ. ਨੇਗੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਧਾਰਮਿਕ ਜਾਂ ਸੈਲਾਨੀ ਯਾਤਰਾਵਾਂ ਦੌਰਾਨ ਪਲਾਸਟਿਕ ਦੇ ਉਪਯੋਗ ਤੋਂ ਗੁਰੇਜ਼ ਕਰਨਾ ਚਾਹੀਦਾ ਹੈ, ਅਤੇ ਇਨ੍ਹਾਂ ਪਵਿੱਤਰ ਸਥਲਾਂ ਨੂੰ ਸਾਫ਼-ਸੁਥਰਾ ਰੱਖਣ ਵਿੱਚ ਆਪਣਾ ਯੋਗਦਾਨ ਪਾਉਣਾ ਚਾਹੀਦਾ ਹੈ। ਹਿਮਾਲਯਨ ਟ੍ਰਾਇਬ ਫਾਊਂਡੇਸ਼ਨ, ਹਿਮਾਚਲ ਵਿੱਚ ਇੱਕ ਮਾਤਰ ਐਸਾ ਐਨਜੀਓ ਹੈ ਜੋ ਹਰ ਸਾਲ ਇਸ ਤਰ੍ਹਾਂ ਦੇ ਧਾਰਮਿਕ ਯਾਤਰਾ ਮਾਰਗਾਂ 'ਤੇ ਸਫਾਈ ਮੁਹਿੰਮ ਚਲਾ ਕੇ ਸਮਾਜ ਸੇਵਾ ਦੀ ਪ੍ਰੇਰਕ ਮਿਸਾਲ ਪੇਸ਼ ਕਰਦਾ ਹੈ।