ਗੋਲੀਆਂ ਮਾਰ ਮਾਰ ਕੇ ਕੀਤਾ ਫਾਈਨਾਂਸਰ ਦਾ ਕਤਲ

by
August 5, 2025

ਗੋਲੀਆਂ ਮਾਰ ਮਾਰ ਕੇ ਕੀਤਾ ਫਾਈਨਾਂਸਰ ਦਾ ਕਤਲ ਗੁਰੂਗ੍ਰਾਮ, 5 ਅਗਸਤ 2025 : ਦਿੱਲੀ ਦੇ ਵਸਨੀਕ 40 ਸਾਲਾ ਰੋਹਿਤ ਸ਼ੌਕੀਨ ਦਾ ਬੀਤੀ ਰਾਤ ਗੋਲੀਆਂ ਮਾਰ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਹੈ। ਉਕਤ ਘਟਨਾ ਸੋਮਵਾਰ ਦੇਰ ਰਾਤ ਸੈਕਟਰ-77 ਵਿੱਚ ਵਾਪਰੀ। ਕਿਥੇ ਵਾਪਰੀ ਹੈ ਘਟਨਾ ਦਿੱਲੀ ਦੇ ਨੰਗਲੋਈ ਦੇ ਰਹਿਣ ਵਾਲੇ ਰੋਹਿਤ ਸ਼ੌਕੀਨ (40) ਦੀ ਐਸਪੀਆਰ ਰੋਡ `ਤੇ ਪਾਮ ਹਿਲਜ਼ ਸੋਸਾਇਟੀ ਦੇ ਸਾਹਮਣੇ ਹਮਲਾਵਰਾਂ ਨੇ 6 ਤੋਂ ਵੱਧ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ। ਦੱਸਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਹਰਿਆਣਵੀ ਗਾਇਕ ਅਤੇ ਸਿਆਸਤਦਾਨ ਰਾਹੁਲ ਫਾਜ਼ਿਲਪੁਰੀਆ ਦਾ ਫਾਈਨਾਂਸਰ ਸੀ। ਇਸ ਘਟਨਾ ਨੇ ਇਲਾਕੇ ਵਿੱਚ ਦਹਿਸ਼ਤ ਫੈਲਾ ਦਿੱਤੀ ਹੈ। ਹਮਲਾਵਰ ਆਏ ਸਨ ਫੂਡ ਡਿਲਵਰੀ ਕੰਪਨੀਆਂ ਦੀਆਂ ਟੀ-ਸ਼ਰਟਾਂ ਪਾ ਕੇ ਉਕਤ ਕਤਲ ਦੀ ਘਟਨਾ ਦੇ ਪ੍ਰਤੱਖਦਰਸ਼ੀਆਂ ਮੁਤਾਬਕ ਹਮਲਾਵਰਾਂ ਨੇ ਫੂਡ ਡਿਲੀਵਰੀ ਕੰਪਨੀਆਂ ਦੀਆਂ ਟੀ-ਸ਼ਰਟਾਂ ਪਾਈਆਂ ਹੋਈਆਂ ਸਨ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਉਨ੍ਹਾਂ ਨੇ ਆਪਣੀ ਪਛਾਣ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ। ਰੋਹਿਤ ਦੇ ਸਰੀਰ `ਤੇ 5-6 ਗੋਲੀਆਂ ਲੱਗੀਆਂ ਅਤੇ ਗੋਲੀਆਂ ਦੇ ਖੋਲ ਮੌਕੇ `ਤੇ ਖਿੰਡੇ ਹੋਏ ਮਿਲੇ। ਸੂਚਨਾ ਮਿਲਦੇ ਹੀ ਪੁਲਿਸ ਰੋਹਿਤ ਨੂੰ ਹਸਪਤਾਲ ਲੈ ਗਈ, ਪਰ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਪੁਲਸ ਜੋੜ ਰਹੀ ਹੈ ਕਤਲ ਨੂੰ ਫਾਜਲਿਪੁਰੀਆ ਤੇ ਹੋਏ ਹਮਲੇ ਨਾਲ ਕਤਲ ਦੀ ਘਟਨਾ ਦੀ ਜਾਂਚ ਕਰ ਰਹੀ ਪੁਲਸ ਨੂੰ ਸ਼ੱਕ ਹੈ ਕਿ ਇਹ ਕਤਲ ਜਾਇਦਾਦ ਦੇ ਝਗੜੇ ਜਾਂ ਪੁਰਾਣੀ ਦੁਸ਼ਮਣੀ ਦਾ ਜਿਥੇ ਨਤੀਜਾ ਹੋ ਸਕਦਾ ਹੈ, ਉਥੇ ਪੁਲਸ ਵਲੋਂ ਇਸਨੂੰ ਫਾਜ਼ਿਲਪੁਰੀਆ `ਤੇ ਹੋਏ ਹਮਲੇ ਨਾਲ ਵੀ ਜੋੜਿਆ ਜਾ ਰਿਹਾ ਹੈ, ਹਾਲਾਂਕਿ ਇਸਦੀ ਅਧਿਕਾਰਤ ਤੌਰ `ਤੇ ਪੁਸ਼ਟੀ ਨਹੀਂ ਹੋਈ ਹੈ। ਮਾਨੇਸਰ ਦੇ ਏ. ਸੀ. ਪੀ. ਵਰਿੰਦਰ ਸੈਣੀ ਨੇ ਕਿਹਾ ਕਿ ਪੁਲਿਸ ਰੋਹਿਤ ਦੇ ਅਪਰਾਧਿਕ ਪਿਛੋਕੜ ਸਮੇਤ ਹਰ ਪਹਿਲੂ ਤੋਂ ਜਾਂਚ ਕਰ ਰਹੀ ਹੈ।