NEET UG 2024 ਦੇ ਨਤੀਜਿਆਂ ਦਾ ਐਲਾਨ, Exams.Nta.Ac.In ਵੈੱਬਸਾਈਟ 'ਤੇ ਇਸ ਤਰ੍ਹਾਂ ਕਰੋ ਚੈੱਕ

ਰਾਸ਼ਟਰੀ ਯੋਗਤਾ ਕਮ ਪ੍ਰਵੇਸ਼ ਪ੍ਰੀਖਿਆ (NEET-UG) ਦੇ ਨਤੀਜੇ ਅਧਿਕਾਰਤ ਵੈੱਬਸਾਈਟ 'ਤੇ ਐਲਾਨ ਦਿੱਤੇ ਕੀਤੇ ਗਏ ਹਨ। ਜਿਹੜੇ ਵਿਦਿਆਰਥੀ ਇਮਤਿਹਾਨ ਲਈ ਬੈਠੇ ਸਨ, ਉਹ ਆਪਣੇ ਨਤੀਜੇ exams.nta.ac.in 'ਤੇ ਦੇਖ ਸਕਦੇ ਹਨ। ਮੈਡੀਕਲ ਅੰਡਰਗਰੈਜੂਏਟ ਕੋਰਸਾਂ ਲਈ ਰਾਸ਼ਟਰੀ ਯੋਗਤਾ ਕਮ ਪ੍ਰਵੇਸ਼ ਪ੍ਰੀਖਿਆ ਨਤੀਜੇ ਲਿੰਕ ਨੂੰ NTA ਦੀ ਅਧਿਕਾਰਤ ਵੈੱਬਸਾਈਟ exams.nta.ac.in/NEET 'ਤੇ ਸਰਗਰਮ ਕਰ ਦਿੱਤਾ ਗਿਆ ਹੈ। ਉਮੀਦਵਾਰ ਇਸ ਵੈੱਬਸਾਈਟ ਦੇ ਹੋਮ ਪੇਜ 'ਤੇ ਮੌਜੂਦ ਨਤੀਜਾ ਲਿੰਕ ਰਾਹੀਂ ਆਪਣਾ ਸਕੋਰ ਕਾਰਡ ਦੇਖ ਸਕਦੇ ਹਨ। NTA ਨੇ 03 ਜੂਨ, 2024 ਨੂੰ NEET UG ਉੱਤਰ ਕੁੰਜੀ ਜਾਰੀ ਕੀਤੀ ਸੀ। ਹਰ ਸਾਲ ਦੇ ਰੁਝਾਨ ਦੀ ਤਰ੍ਹਾਂ, ਇਸ ਵਾਰ ਵੀ NEET UG ਦੇ ਨਤੀਜੇ ਫਾਈਨਲ ਜਵਾਬਾਂ ਦੇ ਜਾਰੀ ਹੁੰਦੇ ਹੀ ਘੋਸ਼ਿਤ ਕਰ ਦਿੱਤੇ ਗਏ। NEET UG 2024 ਟਾਪਰ ਕੌਣ ਹੈ? NTA ਨੇ ਅਜੇ ਤੱਕ NEET UG 2024 ਦੀ ਟਾਪਰ ਸੂਚੀ ਜਾਰੀ ਨਹੀਂ ਕੀਤੀ ਹੈ। ਪਰ ਵੱਖ-ਵੱਖ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਜੈਪੁਰ ਦੇ ਸਮਿਤ ਕੁਮਾਰ ਸੈਣੀ ਅਤੇ ਦੇਵੇਸ਼ ਜੋਸ਼ੀ ਨੇ NEET UG 2024 ਦੀ ਪ੍ਰੀਖਿਆ ਵਿੱਚ ਟਾਪ ਕੀਤਾ ਹੈ। ਇਨ੍ਹਾਂ ਦੋਵਾਂ ਵਿਦਿਆਰਥੀਆਂ ਨੇ ਪੂਰੇ ਅੰਕ ਭਾਵ 720 ਅੰਕ ਪ੍ਰਾਪਤ ਕੀਤੇ ਹਨ। ਪ੍ਰੀਖਿਆ 'ਚ ਬੈਠਣ ਵਾਲੇ ਲੱਖਾਂ ਵਿਦਿਆਰਥੀਆਂ ਦਾ ਇੰਤਜ਼ਾਰ ਖਤਮ ਹੋਇਆ ,24 ਲੱਖ ਤੋਂ ਵੱਧ ਉਮੀਦਵਾਰਾਂ ਨੇ NEET UG ਦੀ ਪ੍ਰੀਖਿਆ ਦਿੱਤੀ ਸੀ। ਇਸ ਸਾਲ, NEET UG ਪ੍ਰੀਖਿਆ ਕੇਂਦਰ ਭਾਰਤ ਦੇ 557 ਸ਼ਹਿਰਾਂ ਅਤੇ ਵਿਦੇਸ਼ਾਂ ਦੇ 14 ਸ਼ਹਿਰਾਂ ਵਿੱਚ ਸਥਾਪਿਤ ਕੀਤੇ ਗਏ ਸਨ। ਕੁਝ ਵਿਦਿਆਰਥੀਆਂ ਨੇ NEET UG ਪ੍ਰੀਖਿਆ ਨੂੰ ਰੱਦ ਕਰਨ ਲਈ ਸੁਪਰੀਮ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕੀਤੀ ਸੀ। ਪਰ ਫਿਲਹਾਲ ਇਸ 'ਤੇ ਕੋਈ ਆਦੇਸ਼ ਨਹੀਂ ਦਿੱਤਾ ਗਿਆ ਹੈ। ਸੁਪਰੀਮ ਕੋਰਟ ਨੇ NEET UG ਦੇ ਨਤੀਜੇ 'ਤੇ ਰੋਕ ਲਗਾਉਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਸ ਮਾਮਲੇ ਦੀ ਸੁਣਵਾਈ ਹੁਣ ਜੁਲਾਈ ਵਿੱਚ ਹੋਵੇਗੀ। NEET UG ਨਤੀਜੇ 2024 ਦੇ ਨਾਲ-ਨਾਲ, NTA ਟੌਪਰ ਸੂਚੀ, ਸ਼੍ਰੇਣੀ ਅਨੁਸਾਰ ਕੱਟ-ਆਫ ਅੰਕ ਅਤੇ ਪ੍ਰਤੀਸ਼ਤ ਰੈਂਕ ਵੀ ਜਾਰੀ ਕਰੇਗਾ । NEET UG 2024 ਟਾਪਰ ਕੌਣ ਹੈ ਇਸ ਬਾਰੇ ਜਾਣਕਾਰੀ ਜਲਦੀ ਹੀ ਉਪਲਬਧ ਹੋਣ ਦੀ ਸੰਭਾਵਨਾ ਹੈ। NEET UG ਨਤੀਜਾ 2024 ਕਈ ਵੈੱਬਸਾਈਟਾਂ 'ਤੇ ਚੈੱਕ ਕੀਤਾ ਜਾ ਸਕਦਾ ਹੈ। ਜੇਕਰ ਇੱਕ ਵੈੱਬਸਾਈਟ ਕ੍ਰੈਸ਼ ਹੋ ਜਾਂਦੀ ਹੈ, ਤਾਂ ਤੁਸੀਂ ਦੂਜਿਆਂ 'ਤੇ ਵੀ ਆਪਣਾ ਸਕੋਰਕਾਰਡ ਦੇਖ ਸਕਦੇ ਹੋ - neet.ntaonline.in, ntaresults.nic.in, exams.nta.ac.in/NEET, neet.ntaonline.in ਅਤੇ nta.ac in। NEET UG 2024 Result ਦੀ ਜਾਂਚ ਕਿਵੇਂ ਕਰੀਏ? ਜਿਹੜੇ ਉਮੀਦਵਾਰ ਮੈਡੀਕਲ ਦਾਖਲਾ ਪ੍ਰੀਖਿਆ 2024 ਵਿੱਚ ਸ਼ਾਮਲ ਹੋਏ ਸਨ, ਉਹ ਹੇਠਾਂ ਦਿੱਤੇ ਕਦਮਾਂ ਰਾਹੀਂ NEET UG ਨਤੀਜਾ 2024 ਦੀ ਜਾਂਚ ਕਰ ਸਕਦੇ ਹਨ- 1- NEET UG ਨਤੀਜਾ ਦੇਖਣ ਲਈ, ਅਧਿਕਾਰਤ ਵੈੱਬਸਾਈਟ exams.nta.ac.in/NEET 'ਤੇ ਜਾਓ। 2- ਵੈੱਬਸਾਈਟ ਦੇ ਹੋਮਪੇਜ 'ਤੇ NEET UG ਨਤੀਜਾ ਲਿੰਕ 2024 'ਤੇ ਕਲਿੱਕ ਕਰੋ। 3- ਉੱਥੇ ਬੇਨਤੀ ਕੀਤੇ ਵੇਰਵੇ ਦਰਜ ਕਰੋ। 4- NEET UG ਨਤੀਜੇ 2024 ਦੀ ਚੰਗੀ ਤਰ੍ਹਾਂ ਜਾਂਚ ਕਰੋ ਅਤੇ ਇਸਨੂੰ ਡਾਊਨਲੋਡ ਕਰੋ।