ਸੀਵਰੇਜ ਦੀ ਗੈਸ ਚੜ੍ਹਨ ਨਾਲ ਤਿੰਨ ਜਣਿਆਂ ਦੀ ਹੋਈ ਮੌਤ

by Jasbeer Singh
May 14, 2025

ਸੀਵਰੇਜ ਦੀ ਗੈਸ ਚੜ੍ਹਨ ਨਾਲ ਤਿੰਨ ਜਣਿਆਂ ਦੀ ਹੋਈ ਮੌਤ ਹਰਿਆਣਾ : ਪੰਜਾਬ ਦੇ ਗੁਆਂਢੀ ਸੂਬੇ ਹਰਿਆਣਾ ਦੇ ਰੋਹਤਕ ਜਿ਼ਲ੍ਹੇ ਵਿੱਚ ਇੱਕੋ ਪਰਿਵਾਰ ਦੇ ਤਿੰਨ ਜੀਆਂ ਦੀ ਸੀਵਰੇਜ ਦੀ ਗੈਸ ਚੜ੍ਹਨ ਨਾਲ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਪ੍ਰਾਪਤ ਜਾਣਕਾਰੀ ਅਨੁਸਾਰ ਬੁੱਧਵਾਰ ਨੂੰ ਸੀਵਰੇਜ ਦੇ ਮੈਨਹੋਲ ਵਿੱਚ ਡਿੱਗਣ ਨਾਲ ਤਿੰਨ ਪਿਓ-ਪੁੱਤਰਾਂ ਦੀ ਮੌਤ ਹੋ ਗਈ। ਇਹ ਘਟਨਾ ਘਰ ਦੇ ਬਾਹਰ ਗਲੀ ਵਿੱਚ ਸੀਵਰੇਜ ਦੇ ਢੱਕਣ ਨੂੰ ਹਟਾਉਣ ਵੇਲੇ ਵਾਪਰੀ । ਪਹਿਲਾਂ, ਇੱਕ ਪੁੱਤਰ ਡਿੱਗ ਪਿਆ ਸੀ। ਉਸਨੂੰ ਬਚਾਉਣ ਲਈ, ਉਸਦਾ ਭਰਾ ਅਤੇ ਪਿਤਾ ਵੀ ਸੀਵਰ ਵਿੱਚ ਉਤਰ ਗਏ, ਪਰ ਵਾਪਸ ਨਹੀਂ ਆਏ । ਘਟਨਾ ਤੋਂ ਬਾਅਦ ਮੌਕੇ `ਤੇ ਚੀਕ-ਚਿਹਾੜਾ ਮਚ ਗਿਆ, ਜਿਸ ਤੇ ਪੁਲਸ ਨੂੰ ਵੀ ਦੱਸਿਆ ਗਿਆ । ਸੂਚਨਾ ਮਿਲਣ `ਤੇ ਪੁਲਿਸ ਪਹੁੰਚੀ ਅਤੇ ਤਿੰਨਾਂ ਦੀਆਂ ਲਾਸ਼ਾਂ ਨੂੰ ਸੀਵਰ ਵਿੱਚੋਂ ਬਾਹਰ ਕੱਢਿਆ। ਇਸ ਵੇਲੇ ਤਿੰਨਾਂ ਲਾਸ਼ਾਂ ਦਾ ਪੋਸਟਮਾਰਟਮ ਕੀਤਾ ਜਾ ਰਿਹਾ ਹੈ । ਹਾਦਸੇ ਤੋਂ ਬਾਅਦ ਪਿੰਡ ਵਿੱਚ ਸੋਗ ਦੀ ਲਹਿਰ ਹੈ। ਇਹ ਮਾਮਲਾ ਰੋਹਤਕ ਦੇ ਮਾਜਰਾ ਪਿੰਡ ਦਾ ਹੈ। ਮ੍ਰਿਤਕਾਂ ਦੀ ਪਛਾਣ ਮਹਾਬੀਰ ਸਿੰਘ ਅਤੇ ਉਨ੍ਹਾਂ ਦੇ ਦੋ ਪੁੱਤਰਾਂ ਦੀਪਕ ਅਤੇ ਲਕਸ਼ਮਣ ਵਜੋਂ ਹੋਈ ਹੈ। ਪੁਲਿਸ ਅਨੁਸਾਰ, ਇਹ ਸ਼ੱਕ ਹੈ ਕਿ ਤਿੰਨਾਂ ਦੀ ਮੌਤ ਸੀਵਰ ਵਿੱਚ ਜ਼ਹਿਰੀਲੀ ਗੈਸ ਸਾਹ ਲੈਣ ਕਾਰਨ ਹੋਈ ਹੈ । ਸੰਤੋਸ਼ ਦੇਵੀ ਨੇ ਦੱਸਿਆ ਕਿ ਸਵੇਰੇ ਉਸ ਦੇ ਦੋ ਪੁੱਤਰਾਂ ਅਤੇ ਪਤੀ ਦੀ ਮੌਤ ਹੋ ਗਈ । ਉਸਨੇ ਕਿਹਾ ਕਿ ਘਰ ਦਾ ਨਾਲਾ ਬੰਦ ਸੀ, ਇਸ ਲਈ ਮੇਰਾ ਪੁੱਤਰ ਲਕਸ਼ਮਣ ਸੀਵਰ ਦਾ ਢੱਕਣ ਖੋਲ੍ਹਣ ਗਿਆ ਸੀ । ਉਹ ਢੱਕਣ ਖੋਲ੍ਹਦੇ ਸਮੇਂ ਸੀਵਰ ਵਿੱਚ ਡਿੱਗ ਪਿਆ । ਉਸ ਦੇ ਪਿਤਾ ਮਹਾਂਬੀਰ ਨੇ ਉ ਸਨੂੰ ਡਿੱਗਦੇ ਹੋਏ ਦੇਖਿਆ। ਸੰਤੋਸ਼ ਦੇਵੀ ਨੇ ਕਿਹਾ ਕਿ ਪਿਤਾ ਪੁੱਤਰ ਨੂੰ ਬਚਾਉਣ ਲਈ ਸੀਵਰੇਜ ਵਿੱਚ ਉਤਰ ਗਿਆ ਪਰ ਉਹ ਵੀ ਵਾਪਸ ਨਹੀਂ ਆਇਆ । ਇਸ ਤੋਂ ਬਾਅਦ, ਅੰਤ ਵਿੱਚ ਦੀਪਕ ਵੀ ਦੋਵਾਂ ਨੂੰ ਬਚਾਉਣ ਲਈ ਸੀਵਰ ਵਿੱਚ ਉਤਰ ਗਿਆ । ਉਹ ਦੋਵਾਂ ਨੂੰ ਨਹੀਂ ਬਚਾ ਸਕਿਆ ਅਤੇ ਉਹ ਖੁਦ ਸੀਵਰੇਜ ਵਿੱਚ ਡੁੱਬ ਕੇ ਮਰ ਗਿਆ ।