ਘਰੇਲੂ ਝਗੜੇ ਦੌਰਾਨ ਪਤਨੀ ਨੇ ਵੱਢੀ ਪਤੀ ਦੀ ਚਾਕੂ ਨਾਲ ਜੀਭ

by Jasbeer Singh
January 21, 2026

ਘਰੇਲੂ ਝਗੜੇ ਦੌਰਾਨ ਪਤਨੀ ਨੇ ਵੱਢੀ ਪਤੀ ਦੀ ਚਾਕੂ ਨਾਲ ਜੀਭ ਉਤਰ ਪ੍ਰਦੇਸ਼, 21 ਜਨਵਰੀ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ ਦੇ ਗਾਜੀਆਬਾਦ ਜਿ਼ਲੇ ਦੇ ਮੋਦੀਨਗਰ ਵਿਖੇ ਇਕ ਪਤਨੀ ਵਲੋਂ ਝਗੜੇ ਦੌਰਾਨ ਆਪਣੇ ਪਤੀ ਦੀ ਚਾਕੂ ਨਾਲ ਜੀਭ ਵੱਢ ਦਿੱਤੀ ਗਈ ਹੈ। ਕੌਣ ਹੈ ਨੌਜਵਾਨ ਜਿਸ ਨਾਲ ਵਾਪਰੀ ਅਜਿਹੀ ਘਟਨਾ ਗਾਜੀਆਬਾਦ ਦੇ ਸੰਜੇਪੁਰੀ ਖੇਤਰ ਵਿਖੇ ਜਿਸ ਨੌਜਵਾਨ ਨਾਲ ਜੀਭ ਕੱਟਣ ਦੀ ਘਟਨਾ ਵਾਪਰੀ ਹੈ 26 ਸਾਲਾ ਵਿਪਿਨ ਹੈ। ਜਿਸ ਤੋਂ ਬਾਅਦ ਨੌਜਵਾਨ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ ਤੇ ਉਸ ਨੂੰ ਮੇਰਠ ਦੇ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ । ਇਸ ਘਟਨਾ ਤੋਂ ਬਾਅਦ ਡਾਕਟਰਾਂ ਨੂੰ ਨੌਜਵਾਨ ਦੀ ਦੁਬਾਰਾ ਬੋਲਣ ਦੀ ਸਮਰੱਥਾ `ਤੇ ਸ਼ੱਕ ਹੈ । ਗੁੱਸੇ ਵਿੱਚ ਆਏ ਲੋਕਾਂ ਨੇ ਦੋਸ਼ੀ ਔਰਤ ਦੀ ਕੁੱਟਮਾਰ ਕੀਤੀ, ਜਿਸ ਦੀ ਇੱਕ ਵੀਡੀਓ ਸਾਹਮਣੇ ਆਈ ਹੈ। ਕਿਸ ਕਾਰਨ ਹੋਇਆ ਪਤੀ-ਪਤਨੀ ਵਿਚਾਲੇ ਝਗੜਾ ਪ੍ਰਾਪਤ ਜਾਣਕਾਰੀ ਮੁਤਾਬਕ ਵਿਪਿਨ ਜੋ ਕਿ ਮਾਂ ਤੇ ਪਤਨੀ ਨਾਲ ਰਹਿੰਦਾ ਹੈ ਨਾਲ ਵਾਪਰੀ ਘਟਨਾ ਸਬੰਧੀ ਵਿਪਿਨ ਦੀ ਮਾਂ ਗੀਤਾ ਨੇ ਜਾਣਕਾਰੀ ਦਿੱਤੀ ਕਿ ਲੰਘੇ ਦਿਨੀਂ ਦੋਹਾਂ ਵਿਚਕਾਰ ਖਾਣੇ ਨੂੰ ਲੈ ਕੇ ਬਹਿਸ ਹੋ ਗਈ ਤੇ ਇਹ ਬਹਿਸ ਲੜਾਈ ਵਿਚ ਬਦਲ ਗਈ ਤੇ ਉਸ ਤੋਂ ਬਾਅਦ ਗੁੱਸੇ ਵਿਚ ਆਈ ਵਿਪਿਨ ਦੀ ਪਤਨੀ ਈਸ਼ਾ ਨੇ ਵਿਪਿਨ ਦੀ ਜੀਭ ਤੇ ਚਾਕੂ ਚਲਾ ਦਿੱਤਾ। ਜਿਸਦੇ ਨਤੀਜੇ ਵਜੋਂ ਜੀਭ ਹੀ ਕੱਟ ਗਈ । ਘਟਨਾ ਬਾਰੇ ਪਤਾ ਚੱਲਣ ਤੇ ਆਂਢੀਆਂ-ਗੁਆਂਢੀਆਂ ਦੀ ਭੀੜ ਨੇ ਈਸ਼ਾ ਦੀ ਕੀਤੀ ਕੁੱਟਮਾਰ ਸੋਮਵਾਰ ਦੀ ਰਾਤ ਨੂੰ ਵਾਪਰੀ ਉਕਤ ਘਟਨਾ ਤੋਂ ਗੁੱਸੇ ਵਿਚ ਇਕੱਠੇ ਹਾਏ ਗੁਆਂਢੀਆਂ ਨੇ ਵਿਪਿਨ ਦੀ ਪਤਨੀ ਈਸ਼ਾ ਵਲੋਂ ਅਜਿਹਾ ਕੀਤੇ ਜਾਣ ਤੇ ਉਸਦੀ ਕੁੱਟਮਾਰ ਵੀ ਕੀਤੀ। ਘਟਨਾ ਦਾ ਪਤਾ ਚਲਦਿਆਂ ਪੁਲਸ ਮੌਕੇ `ਤੇ ਪਹੁੰਚੀ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ। ਮੋਦੀਨਗਰ ਥਾਣੇ ਦੇ ਐਸ. ਐਚ. ਓ. ਨੇ ਕਿਹਾ ਕਿ ਪੀੜਤ ਪਰਿਵਾਰ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਦੇ ਆਧਾਰ `ਤੇ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ ।